*ਜਲੰਧਰ ਦੇ ਪਿੰਡ ਕੋਟਲੀ ਥਾਨ ਸਿੰਘ ਦੇ ਜਿੰਮੀਦਾਰ ਨੇ ਨਜਾਇਜ਼ ਕਲੋਨੀ ਕਁਟ ਕੇ ਸਰਕਾਰੀ ਖਜਾਨੇ ਨੂੰ ਲਾਇਆ ਮੋਟਾ ਰਗੜਾ*

*ਜਲੰਧਰ ਦੇ ਪਿੰਡ ਕੋਟਲੀ ਥਾਨ ਸਿੰਘ ਦੇ ਜਿੰਮੀਦਾਰ ਨੇ ਨਜਾਇਜ਼ ਕਲੋਨੀ ਕਁਟ ਕੇ ਸਰਕਾਰੀ ਖਜਾਨੇ ਨੂੰ ਲਾਇਆ ਮੋਟਾ ਰਗੜਾ*

ਜਲੰਧਰ, 18 ਸਤੰਬਰ (ਵਿਜੈ ਕੁਮਾਰ ਰਮਨ):-ਵਿਧਾਨ ਸਭਾ ਹਲਕਾ ਆਦਮਪੁਰ ਦੇ ਵਿਧਾਇਕ ਮਾਣਯੋਗ ਸੁਁਖਵਿੰਦਰ ਕੋਟਲੀ ਦੇ ਜਁਦੀ ਪਿੰਡ ਕੋਟਲੀ ਥਾਨ ਸਿੰਘ ਵਿਖੇ ਇੱਕ ਕਿਸਾਨ ਵੱਲੋਂ ਨਜਾਇਜ਼ ਕਲੋਨੀ ਕੱਟ ਕੇ ਭਗਵੰਤ ਮਾਨ ਸਰਕਾਰ ਨੂੰ ਵੱਡੇ ਪੱਧਰ ਤੇ ਚੂਨਾ ਲਗਾਇਆ ਗਿਆ ਹੈ। ਪਤਾ ਲੱਗਾ ਹੈ ਕਿ ਕਿਸਾਨ ਵੱਲੋਂ ਨਕਸ਼ੇ ਦੇ ਉੱਤੇ ਹੀ ਪਲਾਟ ਵੇਜ ਦਿੱਤੇ ਗਏ ਹਨ ਅਤੇ ਇਸ ਦੀ ਖ਼ਬਰ ਪੁੱਡਾ ਮਹਿਕਮੇ ਨੂੰ ਕੰਨੋ ਕੰਨ ਤੱਕ ਨਹੀਂ ਲੱਗ ਪਾਈ।

ਮੇਰੀ ਜਾਣਕਾਰੀ ਅਨੁਸਾਰ ਇਥੋਂ ਥੋੜੀ ਦੂਰ ਪਿੰਡ ਕੋਟਲੀ ਥਾਨ ਸਿੰਘ ਵਿਖੇ ਇਕ ਕਿਸਾਨ ਵੱਲੋਂ ਤਿੰਨ ਖੇਤ ਦੇ ਕਰੀਬ ਜਮੀਨ ਵਿੱਚ ਨਜਾਇਜ਼ ਕਲੋਨੀ ਕੱਟ ਦਿੱਤੀ ਗਈ ਹੈ। ਪਤਾ ਲੱਗਾ ਹੈ ਕਿ ਇਸ ਜਗਹਾ ਤੇ ਪਹਿਲਾਂ ਛੱਪੜ ਹੁੰਦਾ ਸੀ ਉਸ ਨੂੰ ਪੂਰ ਕੇ ਇੱਥੇ ਹੁਣ ਕਲੋਨੀ ਕੱਟ ਦਿੱਤੀ ਗਈ ਹੈ। ਇੱਕ ਮਰਲੇ ਜਮੀਨ ਦਾ ਰੇਟ ਡੇਢ ਲੱਖ ਦੇ ਕਰੀਬ ਰੱਖਿਆ ਗਿਆ ਹੈ । ਪਤਾ ਲੱਗਾ ਹੈ ਕਿ ਕਿਸਾਨ ਨੇ ਨਕਸ਼ੇ ਉੱਪਰ ਹੀ ਪਲਾਟ ਵੇਚਣ ਤੋਂ ਬਾਅਦ ਇਹਨਾਂ ਪਲਾਟਾਂ ਦੀ ਰਜਿਸਟਰੀ ਵੀ ਕਰਵਾ ਦਿੱਤੀ ਗਈ ਹੈ ਇਹ ਰਜਿਸਟਰੀ ਕਿਸ ਤਰ੍ਹਾਂ ਹੋਈ ਇਹ ਵੀ ਇੱਕ ਜਾਂਚ ਦਾ ਵਿਸ਼ਾ ਬਣਿਆ ਹੋਇਆ ਹੈ ਕਿਉਂਕਿ ਭਗਵੰਤ ਮਾਨ ਸਰਕਾਰ ਨੇ ਨਜਾਇਜ਼ ਕਲੋਨੀਆਂ ਦੀ ਰਜਿਸਟਰੀ ਉੱਤੇ ਪੂਰਨ ਤੌਰ ਤੇ ਰੋਕ ਲਗਾਈ ਹੋਈ ਹੈ।ਪਿੰਡ ਦੇ ਭੋਲੇ ਭਾਲੇ ਲੋਕਾਂ ਨੂੰ ਕਿਹਾ ਜਾ ਰਿਹਾ ਹੈ ਕਿ ਸਾਡੀ ਕਲੋਨੀ ਪਾਸ ਹੈ ਅਤੇ ਅਸੀਂ ਸਰਕਾਰ ਕੋਲੋਂ ਇਸਦਾ ਸਰਟੀਫਿਕੇਟ ਲੈ ਰੱਖਿਆ ਹੈ , ਤੁਹਾਨੂੰ ਰਜਿਸਟਰੀ ਕਰਾਉਣ ਵਿੱਚ ਕਿਸੇ ਕਿਸਮ ਦੀ ਕੋਈ ਵੀ ਸਮੱਸਿਆ ਨਹੀਂ ਆਵੇਗੀ। ਇੱਥੇ ਇਹ ਵੀ ਦੱਸਣ ਯੋਗ ਹੈ ਕਿ ਇਸ ਕਲੋਨੀ ਵਿੱਚ ਜਿਆਦਾਤਰ ਪਲਾਟ ਵਿਕ ਚੁੱਕੇ ਹਨ।
 ਜਦੋਂ ਇਸ ਕਲੋਨੀ ਬਾਰੇ ਸਰਕਾਰ ਅਤੇ ਸਬੰਧਤ puda ਮਹਿਕਮੇ ਤੋਂ ਜਾਣਕਾਰੀ ਮੰਗੀ ਗਈ ਤਾਂ puda ਦੇ ਅਧਿਕਾਰੀਆਂ ਨੇ ਕਿਹਾ ਕਿ ਉਕਤ ਕਲੋਨੀ ਬਾਰੇ ਹੁਣੇ ਜਾਣਕਾਰੀ ਮਿਲੀ ਹੈ ਅਤੇ ਜਲਦੀ ਹੀ ਇਸ ਕਲੋਨੀ ਤੇ ਕਾਰਵਾਈ ਕੀਤੀ ਜਾਵੇਗੀ।