*ਸੀਆਈਏ ਸਟਾਫ ਜਲੰਧਰ -1 ਦੀ ਪੁਲਿਸ ਨੇ 25 ਕਿੱਲੋ ਭੁੱਕੀ ਚੂਰਾ ਪੋਸਤ, ਸਮੇਤ-2 ਨਸ਼ਾ ਤਸਕਰਾ ਨੂੰ ਕੀਤਾ ਗ੍ਰਿਫਤਾਰ*

Post.    V news 24

    By.    Vijay Kumar Raman 

   On.     23 May. 2021

ਜਲੰਧਰ, 23 ਮਈ (ਵਿਜੈ ਕੁਮਾਰ ਰਮਨ):-
ਜਲੰਧਰ ਪੁਲੀਸ ਕਮਿਸ਼ਨਰ ਗੁਰਪ੍ਰੀਤ ਸਿੰਘ ਭੁੱਲਰ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਨਸ਼ਾ ਸਮੱਗਲਰਾਂ ਵਿਰੁੱਧ ਕਾਰਵਾਈ ਕਰਦੇ ਹੋਏ, ਸੀਆਈਏ-1 ਦੀ ਟੀਮ ਨੇ 25 ਕਿੱਲੋ ਭੁੱਕੀ ਚੂਰਾ ਪੋਸਤ ਸਮੇਤ-2 ਦੋਸ਼ੀਆਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਫੜੇ ਗਏ ਮੁਜਰਮਾਂ ਦੀ ਪਹਿਚਾਣ ਵਰਿੰਦਰ ਸਿੰਘ, ਪੁੱਤਰ ਗੁਰਦਾਵਰ ਸਿੰਘ, ਵਾਸੀ ਨੇੜੇ ਜੱਟਾਂ ਦਾ ਗੁਰਦੁਆਰਾ ਪਿੰਡ ਨੰਗਲ ਸ਼ਾਮਾ, ਥਾਣਾ ਰਾਮਾਮੰਡੀ, ਜਲੰਧਰ ‘ਤੇ ਰਾਜਵੀਰ ਸਿੰਘ, ਪੁੱਤਰ ਜੋਗਿੰਦਰਪਾਲ ਸਿੰਘ, ਵਾਸੀ ਮਕਾਨ ਨੰਬਰ 878 ਮੁੱਹਲਾ ਸ਼ਾਹ ਸਿਕੰਦਰ, ਬੈਕਸਾਈਡ ਦੇਵੀ ਤਲਾਬ ਮੰਦਰ ਥਾਣਾ ਡਵੀਜ਼ਨ ਨੰਬਰ-8 ਜਲੰਧਰ ਦੇ ਤੌਰ ‘ਤੇ ਹੋਈ ਹੈ।
ਇਸ ਬਾਰੇ ਜਾਣਕਾਰੀ ਦਿੰਦੇ ਹੋਏ ਪੁਲਿਸ ਕਮਿਸ਼ਨਰ ਭੁੱਲਰ ਨੇ ਦੱਸਿਆ ਕਿ ਮਿਤੀ 22-05-2021 ਨੂੰ ਸੀਆਈਏ ਸਟਾਫ਼–1 ਦੀ ਪੁਲਿਸ ਟੀਮ ਬਰਾਏ ਗਸ਼ਤ ਬਾ ਚੈਕਿੰਗ ਸ਼ੱਕੀ ਪੁਰਸ਼ਾ ਦੇ ਸਬੰਧ ਵਿੱਚ ਰੇਰੂ ਚੌਕ ਜਲੰਧਰ–ਪਠਾਨਕੋਟ ਹਾਈਵੇ ‘ਤੇ ਮੋਜੂਦ ਸਨ। ਜਿੱਥੇ ਕਿ ਸੀਆਈਏ ਸਟਾਫ-1 ਦੀ ਟੀਮ ਨੇ ਪਠਾਨਕੋਟ ਵੱਲੋਂ ਆ ਰਹੇ ਟਰੱਕ ਨੰਬਰੀ ਪੀਬੀ-07-ਐੱਸ-9785 ਜਿਸ ਵਿੱਚ ਉਕਤ ਦੋਸ਼ੀ ਸਵਾਰ ਸਨ, ਨੂੰ ਚੈਕਿੰਗ ਲਈ ਰੋਕਿਆ। ਤਲਾਸ਼ੀ ਦੇ ਦੌਰਾਨ ਟਰੱਕ ਵਿੱਚ ਲੁਕਾ–ਛੁਪਾ ਕੇ ਰੱਖੇ ਹੋਏ 2 ਬੋਰੇ ਪਲਾਸਟਿਕ, ਜਿਨ੍ਹਾਂ ਵਿੱਚੋਂ 25 ਕਿਲੋ ਭੁੱਕੀ ਚੂਰਾ ਪੋਸਤ, ਬਰਾਮਦ ਹੋਈ। ਪੁਲੀਸ ਨੇ ਦੋਸ਼ੀਆਂ ਦੇ ਖਿਲਾਫ ਮਾਮਲਾ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।